Anai lĕ tơlơi pơhing ƀơi Mông jơnum ƀing pơtô bruă ping gah dêh čar blan 7/2023, yua kơ Anom pơtô bruă ping gah dêh čar pơphun mơguah lơ 12/7, ƀơi Hà Nội. Kơ-iăng Khua Ding jum Akŏ bruă hăng Tuh pơ alin ơi Đỗ Thành Trung brơi thâo, GDP 6 blan akŏ thun đĭ tui rơbêh 3%, ƀiă hloh tal 2 mơ̆ng thun 2011-2023. Khă hnun, ƀơi anăp kơ tơlơi rung răng ƀơi rŏng lŏn tơnah, bơwih ƀong huă dêh čar ta brơi ƀuh, tơhnal klă pơđĭ kyar mơ̆n, rơnoh prăk trun nua dưi pơgang djơ̆. Rơnoh prăk tuh pơ alin mơ̆ng kơnuk kơna ăt dưi pơtrut kơtang, anŏ anŏ gêh găl pơđĭ tui bơwih ƀong huă....

Khă tui anun, bruă mă sĭ mơdrô hăng tač rơngiao ăt bưp lu tơlơi gun tơnap tap yua lu dêh čar ngă tui jơlan hơdră mă yua prăk tong ten, hruă kjăp wai lăng prăk kăk, anŏ kiăng blơi gơnam dêh čar hrŏ trun lu...Akŏ bruă 6 blan rơnuč thun lĕ, kiăng pok pơhai hmar hloh tŭ yua pioh pơtrut tañ rŭ glăi bơwih ƀong huă. Ƀơi mông jơnum ƀing khua mua hmư̆ Anom bruă pơtom hiăp gơnong dlông dêh čar lăi pơthâo tơlơi pơhing rŏng lŏn tơnah, amăng kual, hăng bruă mă pơtom hiăp mơ̆ng Việt Nam amăng 6 blan rơgao laih anun lăi pơthâo tơlơi pơhing 6 blan rơnuč thun.