Đĭ pơhiăp amăng mông bưp, Khua git gai Ping gah, Khua mir sir pơsit tong, Ping gah, Kơnuk kơna hăng mơnuih ƀôn sang lêng hơdor tơngia ƀing mơnuih tuh rơyuh pran jua, djai pơsăn drơi yua kơ lŏn ia. Pran hơdor kiăng pơdah hăng hơdôm bruă mă sit nik, bơwih brơi tơlơi suaih pral, tơlơi hơdip mơda brơi mơnuih djru hơkrŭ. Grup tơhan mơgăt rơdêh Trường Sơn blung hlâo lĕ grup tơhan đah kơmơi mơgăt rơdêh akŏ pơjing kơnôl 18/12/1968. Amăng rơnuk blah ayăt Mi, ƀing đah kơmơi hơmâo găn rơgao lu tơlơi tơnap tap, pơdŭ pơgiăng gơnam tam ba nao pơ anih ngă hơkrŭ hăng ba tơhan rơka glăi pơ anih pơjrao.

Thun 2014, anom bruă hơmâo arăng pơpŭ miđai ling tơhan sông kơtang. Khua git gai Ping gah, Khua mir sir rơkâo Ding jum ling tơhan gum hrŏm hăng hơdôm boh ƀon lan pel ĕp, pơsir hĭ djop tơhnal pơkă, hơdră djru brơi ƀing mơnuih djop tơlơi gal tŭ mă; đing nao khăm pơjrao tơlơi ruă, djru brơi ƀing mơnuih tơnap tap hăng ngă gêh gal kiăng dưi pơbưp na nao rĭm thun. Laih dong, rơkâo gưl Ping gah, gong gai hăng hơdôm khul grup tŏ tui gum hrŏm, djru brơi mơnuih ngă hơkrŭ hăng tơlơi glăm ba prong hloh, kiăng boh than dưi ngă amăng pơđĭ kyar lŏn ia pơƀuh amăng tơlơi hơdip kơ ƀing mơnuih tuh rơyuh pran jua yua kơ lŏn ia ta.