Ƀơi mông tŭ jum, Khua pơ ala mơnuih ƀon sang dêh čar pơsit, bruă pơtom hiăp hăng mơnuih ƀon sang yom biă mă amăng bruă kjăp tui tơlơi rô nao rai giăng mah pŭ ƀăn, pơtrut ngă hrŏm dua boh dêh čar. Việt Nam lăng yom biă mă kơ Hàn Quốc jing gŏp ngă hrŏm amăng hơdôm bruă sĭ mơdrô, bơwih ƀong, tuh pơ alin, boh thâo ia rơgơi, sĭ mơdrô, čơkă tuai hyu ngui, pơtô hăng pơjuăt. Amăng 9 blan thun 2026, prăk tuh pơ alin mơ̆ng dêh čar Hàn Quốc ƀơi Việt nam hơmâo 103 klai USD; prăk sĭ mơdrô dua bơnah rim thun hơmâo mơ̆ng 80 truh kơ 90 klai USD.

Tuai mơ̆ng Hàn Quốc rai pơ Việt Nam hơmâo rơbêh kơ 3 klăk wơ̆t. Khua pơ ala mơnuih ƀon sang dêh čar bơni biă kơ hơdôm tơlơi gum pơgôp prong mơ̆ng Khul giăng mah Hàn Quốc - Việt Nam lơ̆m pơtruh nao rai mơnuih Việt Nam dŏ ƀơi Hàn Quốc, djru tơlơi khăp pap, hăng pơtrut ngui ngor gru grua, pơtô hrăm. Dua bơnah tŭ ư pơđĭ tui tơlơi ngă hrŏm, sĭ mơdrô, tuh pơ alin, biă ñu amăng hơdôm bruă boh thâo - ia rơgơi, pơčeh phrâo, hrĕ apui añĕ, ia rơgơi ană mơnuih pơčeh phrâo; laih dong pơtrut pơbưp, ngui ngor mơnuih ƀon sang, ngă dlăm tui tơlơi rô nao rai Ngă gŏp yom pơphăn sui thun amăng abih bang bruă plah wah Việt Nam - Hàn Quốc./