VOV4.Jarai - Mơguah lơ 7/3 Khua dêh čar ta ơi Phạm Minh Chính bưp ƀô̆ mơta khua git gai, wai lăng, thâo hră hăng thâo bôh piă adôh suang hloh ƀrô djơ̆ Hrơi jar kơmar pioh kơ đah kơmơi lơ 8/3. Amăng mông bưp, Khua dêh čar ta ơi Phạm Minh Chính pơ ala kơ khua git gai Ping gah, Kơnuk kơna mơ-ĭt tơlơi hơ-ư̆č hmưi klă hiam hloh truh đah kơmơi git gai, wai lăng thâo hră hăng thâo bôh pia adôh suang hloh, đah kơmơi amăng đơ đam lŏn ia ƀrô djơ̆ Hrơi jar kơmar pioh kơ đah kơmơi 8/3. Khua dêh čar ăt mơ-ĭt mơn tơlơi hơdor tơngiă pha ra truh ƀing đah kơmơi ơi ia jrao, mơnuih mă bruă ia jrao hăng ƀing adơi amai ƀơi anih pơgang pơgăn klin ruă Covid-19; hrom hăng lu adơi amai ƀơi hơdôm bruă, mă bruă, hrăm bruă, hyu mă bruă pơkon. Khua dêh čar ta lăi rơđah, pơđĭ tui dong anô̆ klă bruă mă mơng hơdôm gưl khul pơlir hơbit đah kơmơi amăng rơwang ră anai, djru đah kơmơi pơđĭ kyar bơwih ƀong, pơđĭ tui bôh thâo, gum hrom jai hrơi jai lu hloh amăng hơdôm bruă kơđi čar – mơnuih mơnam, kiăng adơi amai djru lu hloh dong, ba glăi bôh tơhnal hloh dong amăng bruă pơplih phrâo, mut hrom hăng pơđĭ kyar lŏn ia./.

Siu H’ Prăk: Pơblang