VOV4.Jarai - Tui hăng tơlơi rơkâo mơng Anom bruă djă bong tơlơi rơngai, Ding jum ling tơhan, Khul khua mơng Việt Nam ƀơi Sang gum hơbit djŏp dêh čar hơmâo ngă lơphet Brơi grăt Thượng tá kơ Lương Trường Vinh hăng grăt Trung tá kơ Nguyễn Phúc Đông, glăk mă bruă ƀơi Anom Ngă bruă yua tơlơi rơngai, Sang gum hơbit djŏp dêh čar. Pơhiăp ƀơi mông ngă lơphet, Khua anih jưh pơ ala dêh čar ơi Đặng Hoàng Giang bơni kơ tơlơi gir run ngă truh kih bruă hơmâo jao mơng ling tơhan hơmâo pơđĭ grăt thun 2022. Khua anih jưh pơ ala dêh čar ơi Đặng Hoàng Giang kiăng hăng tơlơi gơgrong bruă phrâo, ƀing tơhan anai kiăng pơtrut tui tơlơi rơgơi mơng pô gơñu amăng bruă mă hăng lăi pơthâo glăi klă hăng Ping gah, Kơnuk kơna kơ hơdôm bruă ngă hrŏm djă bong tơlơi rơngai kơplah wah Việt Nam hăng Sang gum hơbit djŏp dêh čar, biă ñu ĕp tơlơi gêh gal hơmâo lu tui tơhan djă bong tơlơi rơngai mơng Việt Nam ƀơi hơdôm anom bruă pơ ala mơng Sang gum hơbit djŏp dêh čar.

Siu H’Mai: Pơblang