Tui anun, amăng 6 čô tơhan hơmâo brơi Hră bơni “Lŏn ia tŭ yap” hơmâo 4 čô tơhan gah Ding jum Kông an hơmâo: Tơhan djai pơsăn drơi Hoàng Trung, Thiếu tá Kông an mơnuih ƀon sang, mă bruă ƀơi Kông an să Ea Ktur, tơring glông Čư̆ Kuin, tơring čar  Dak Lăk; tơhan djai pơsăn drơi Trần Quốc Thắng, Thiếu tá Kông an mơnuih ƀon sang, mă bruă amăng Kông an să Ea Tiêu, tơring glông Čư̆ Kuin, tơring čar Dak Lăk; tơhan djai pơsăn drơi Hà Tuấn Anh, Đại uý Kông an mơnuih ƀon sang, mă bruă ƀơi Kông an să Ea Tiêu, tơring glông Čư̆ Kuin, tơring čar Dak Lăk; tơhan djai pơsăn drơi Nguyễn Đăng Nhân, Đại uý Kông an mơnuih ƀon sang, mă bruă ƀơi Kông an să Ea Ktur, tơring glông Čư̆ Kuin, Dak Lăk. Dua čô tơhan djai pơsăn drơi gah tơring čar Dak Lăk hơmâo ơi Nguyễn Văn Kiên, Khua git gai Ping gah să, Khua Jơnum min mơnuih pơ ala mơnuih ƀon sang să Ea Ktur, tơring glông Čư̆ Kuin, tơring čar Dak Lăk hăng ơi Nguyễn Văn Dũng, Kơ-iăng khua git gai Ping gah să, Khua Jơnum min mơnuih ƀon sang să Ea Tiêu, tơring glông Čư̆ Kuin, tơring čar Dak Lăk (plơi ñu hơđăp pơ să Hùng Tiến, tơring glông Nam Đàn, tơring čar Nghệ An).

Hlâo kơ anun, mơng mơguah lơ 11/6/2023, ƀơi tơring glông Čư̆ Kuin hơmâo sa grup mơnuih djă phao kơsung blah Jơnum min mơnuih ƀon sang să Ea Tiêu hăng să Ea Ktur, ngă hơdôm čô kông an, khua mua amăng să hăng mơnuih ƀon sang djai. Yap truh 6 mông 30 mơnit tlam lơ 12/6, tơhan kông an hơmâo mă laih 27 čô mơnuih kơsung blah Jơnum min mơnuih ƀon sang să Ea Tiêu hăng Ea Ktur, tơring glông Čư̆ Kuin, tơring čar Dak Lăk, Tơhan kông an ăt glăk hyu kiăo mă, hơduah tơña, bơtơhmal tui hăng tơlơi phiăn./.