VOV4.Jarai - Lơ 20/7, grŭp hyu mă bruă Khul hlăk ai rơnuk Hồ Chí Minh dêh  čar ta yua kơ Khua git gai Khul hlăk ai dêh čar ta, Khua Khul grŭp Hlăk ai dêh čar Nguyễn Phạm Duy Trang ngă Khua Grŭp hmâo nao čuă, brơi gơnam tam kơ ƀing hlăk ai gum djru bơyan pơdơi prong thun 2022 ƀơi tơring glông Ea Sup, tơring čar Daklak.

Grŭp hmâo ngă lơphet mă yua ring bruă hlăk ai ngă bơngač jơlan plơi pla hăng nao čuă, brơi gơnam tam kơ grŭp hlăk ai gum djru bơyan pơdơi prong mơtah ƀơi hơdôm bôh să Ia Lôp, Ia R’vê hăng čuă gŏng kut hơdor glăi, čuă pŏng gong guai dêh čar, brơi gơnam tam kơ ling tơhan pơgang guai lŏn ia Ea Hleo. Ƀơi hơdôm anih nao čuă, grŭp hmâo tơña bla, pơsur ƀing hlăk ai hyu gum djru bơyan pơdơi prong, jơnum bơkơtuai hăng ƀing čơđai muai hăng ling tơhan pơgang guai dêh čar, brơi gơnam tam hmâo nua 2 klăk 500 rơbâo prăk djru hơdôm grŭp hyu gum djru./.

Siu H’ Prăk: Pơblang