Tui Kông ang tơring čar Dak Lak, amăng ha mơkrah thun 2024, bruă ngă soh amăng tơring čar ƀuh 489 wŏt, hrŏ trun 3 wŏt; rơdêh pơjrŏm ƀuh 208 wŏt, hrŏ trun 15 wŏt, hrŏ 21 čô mơnuih rơka rơkač pơhmu tui tơđar thun hlâo. Ăt amăng ha mơkrah thun anai, kông ang tơring čar Dak Lak ĕp ƀuh hăng pơsir hĭ 295 bruă hưp ƀong kông ngăn; ƀom kiơng 12 bruă ngă soh tui boh thâo ia rơgơi…

Tui Thiếu tướng Lê Vinh Quy, Khua anom bruă kông ang tơring čar Dak Lak, boh than dưi ngă hơmâo tơlơi gum pơgôp prong mơng anom mă tơlơi pơhing, lơm pôr pơhing na nao, pơtô pơblang tơlơi črâo trun mơng Ping gah, hơdră bruă, tơlơi phiăn mơng Kơnuk kơna; pôr pơhing hơdôm bruă wai pơgang rơnuk rơnua, hơđong hăng bruă pơjing tơhan kông ang ….Mơng hơdôm tơlơi pôr pơhing anun, neh met wa răng kơđiăng hăng hluh rơđah tơlơi phiăn, gir run mut hrŏm tơlơi jak iâu “Abih bang mơnuih wai pơgang lŏn ia”.