Tơlơi bơwih ƀong huă mơnuih mơnam tơring čar Dak Lak amăng blan 4 hăng 4 blan akŏ thun 2025 ăt djă hơnơ̆ng pơđĭ kyar hơđong, lu tơhnal pơkă dưi ngă djơ̆ rơnoh, pơjing rai atur kơjăp kơ bruă ngă giong rơnoh pơkă pơđĭ kyar bơwih ƀong huă amăng sa thun. Tơlơi pơhing anai hơmâo pơdah thâo ƀơi mông jơnum lok tơđar blan 4 Jơnum min mơnuih ƀôn sang tơring čar Dak Lak, pơphun mơguah lơ 13/5. Sa amăng hơdôm anŏ ngă bơngač hloh lĕ bruă tuh tia pơkra ming đĭ hmar, hăng rơnoh amăng abih bang anom bruă lơ̆m blan 4 đĭ rơbêh 12% pơkă hăng tal anai thun hlâo, biă mă ñu tuh tia pơkra ming, pơčeh phrâo pơkra ming  gơnam sĭ mơdrô đĭ giăm 17%.

Djop mơta gơnam tam sĭ mơdrô phun kah hăng kơphê, pơsơi, tơpai ƀiêr, apui yua ia jâo ăt mă bruă hơđong. Bruă ngă hmua pla pơjing, wai lăng kyâo glai hăng rông akan hơdang ăt hơđong mơ̆n. Ơi Nguyễn Thiên Văn, Khua jăng jai kơ Jơnum min mơnuih ƀôn sang tơring čar Dak Lak lăi pơtong, djop gưl anom bruă, kiăng pơtum pơsir hĭ tơlơi tơnap tap amăng bruă pơkra ming, pơtrut hmar ƀiă bruă tuh pơ alin bruă čar, pơblih hơdră ngă hră pơar hăng djru kơ anom bruă kơnuk kơna, kiăng ngă pơgiong tơhnal pơkă pơđĭ kyar bơwih ƀong huă mơnuih mơnam thun 2025.