VOV4.Jarai - Anom bruă lăi pơthâo lŏn pơpư̆ hăng pơhŭi hlâo kơ ia rơsĭ blôk - Anom Vật lý địa cầu, Anom Hàn Lâm Khoa học hăng Công Nghệ Việt Nam phrâo pơhŭi hlâo, ƀơi tơring glông Kon Plông, Kon Tum phrâo ƀuh 4 wŏt lŏn pơpư̆. Tui anun, lŏn pơpư̆ blung a ƀuh lơ̆m 12 mông 46 mơnit mlăm mơguah lơ 22/6, kơtang 3,2 độ (dơlăm giăm 8,1 km). Tơdơi anun giăm rơbêh 10 mơnit (amăng 12 mông 58 mơnit mlăm mơguah) ƀuh dong lŏn pơpư̆ tal 2, kơtang 2,8 độ. Lŏn pơpŭ tal 3 ƀuh tơdơi anun giăm 14 mơnit (amăng 1 mông 15 mơnit mlăm mơguah), kơtang 2,6 độ. Hăng tal 4 lĕ amăng 2 mông 4 mơnit mlăm mơguah, kơtang 2,6 độ. Anom bruă lăi pơthâo lŏn pơpư̆ hăng pơhŭi hlâo ia rơsĭ blôk brơi thâo, hơdôm tal lŏn pơpư̆ anai amra dong amăng mrô hŭi rơhyưt gưl 0. Ră anai anom bruă lăi pơthâo lŏn pơpư̆ hăng pơhŭi ia rơsĭ blôk - Anom bruă Vật lý điạ cầu ăt glăk kiăo tui lăng dong.

Siu Đoan: Pơblang