VOV4.Jarai-Tal jơnum tơña lăi glăi ƀơi mông jơnum lok 14 mơ̆ng Jơnum min Phun pơ ala mơnuih ƀôn sang dêh čar pơphun amăng lơ 10/8 lĕ, hăng tơlơi lăi glăi mơ̆ng Khua ding jum kông an, ơi Tô Lâm laih anun Khua ding jum gru grua pơrơguăt drơi jăn hăng tuai čuă ngui, ơi Nguyễn Văn Hùng. Pô lăi glăi blung tơlơi tơña tal anai jing pô apăn akŏ gah anom bruă tơhan kông an dêh čar, lăi glăi tơlơi tơña kơ bruă pơgang hơđong hơgom mă yua tơlơi pơhing plăng internet dêh čar.

Hơdră pơgăn, pơsir khut khăt tơlơi ngă soh amăng tơlơi pơhing boh thâo ia rơgơi, biă mă ñu ngă wăn ƀai, pơkôl pơkă pơphuă nao rai ƀong prăk, plư pleč leč pơdar, pôr tơlơi pơhing tă tăn ƀu tơpă ƀudah kah hăng bruă ngă hơdôm tơlơi pơtrun mơ̆ng anom bruă pơ ala mơnuih ƀôn sang dêh čar, Jơnum min phun pơ ala mơnuih ƀôn sang dêh čar pơdjơ̆ nao kơ bruă pơhlôm pơgăn tơlơi soh sat, tơlơi soh sat ma tuý, brơi čan prăk mă kơmlai lu……

Hăng Khua ding jum Gru grua pơrơguăt drơi jăn tuai čuă ngui, tơdơi kơ dưi pơgăn klin Covid 19, tơlơi mơ̆ lu mơnuih ruah khua đing nao phun lĕ, jơlan hơdră, tơlơi phiăn pioh kơ bruă tuai čuă ngui amra jing anom bruă bơwih ƀong huă phun yôm hloh.

Nay Jek: Pơblang