Tui hăng jơlan hơdră jơnum, Mơguah lơ 15/5, ƀing pơ ala mơnuih ƀôn sang pơčrong sai ƀơi sang jơnum prong kơ Tơlơi phiăn apui lơtrik ayuh čih pơkra glăi. Tơlơi phiăn apui lơtrik ayuh dưi čih pơkra thun 2008, tơdơi kơ 17 thun ngă tui ƀuh lu tơlơi aka ƀu găl, aka ƀu gêh brơi bruă ngă sit nik pơđĭ kyar ƀơi lŏn ia ră anai, aka pơdah thâo tum teč tui hăng tơlơi pơkôl mơ̆ng jar kmar mơ̆ Việt Nam ngă ding kơna.....Yua kơ anun, bruă čih pơkra glăi tơlơi phiăn anai kiăng biă mă pioh kơ Việt Nam dưi ngă djơ̆ tơhnal pơkă pơđĭ kyar apui lơtrik amăng rơnuk phrâo, biă mă ñu man pơdong glăi sang măi apui lơtrik ayuh, ba hơdôm boh sang măi ƀơi Ninh Thuận 1 hăng 2 pơkĕ yua apui lơtrik ayuh amăng rơwang mơ̆ng thun 2030-2035.

Ăt amăng mơguah lơ 15/5 mơ̆n, ƀing pơ ala mơnuih ƀôn sang dêh čar hmư̆ Hră lăi pơthâo hăng pơblang rơđah bruă sem glăi tơlơi phiăn čih pơhrua phrâo, hơdôm mơta tơlơi amăng Tơlơi phiăn pơsir tơlơi soh đŭ hăng prăk; Tơlơi phiăn čih pơhrua phrâo Tơlơi phiăn pơkă kơ bruă ngă hră pơar pơkă tơlơi phiăn pơtrun tong ten; pơkra glăi tơlơi phiăn pơkă kơ mông jơnum ƀing pơ ala mơnuih ƀôn sang dêh čar. Či tlam lĕ, ƀing pơ ala mơnuih ƀôn sang pơčrong sai ƀơi Grup kơ : Kơčăo bruă tơlơi phiăn ngă hrŏm tơhan jar kmar pơgang tơlơi rơnuk rơnua Sang gum hơbit djop dêh čar; tơlơi phiăn pơkă kơ bruă prăk kăk, kông ngăn kơnuk kơna čih pơhrua glăi...