VOV4.Jarai - Mơguah lơ 18/4, abih bang čơđai sang hră hơdôm gưl ƀơi plơi prong Buôn Ma Thuột tơring čar Daklak pơwot glăi sang hră hrăm tơdơi kơ lu tal tơ̆i đưn yua bơdjơ̆ nao mơng klin Covid-19. Đing nao hơkrŭ glăi bôh thâo, pơhlôm anô̆ klă bruă pơtô pơhrăm, biă ñu hăng čơđai muai 5 thun hăng čơđai gưl 1 jing bôh yôm dưi hmâo hơdôm bôh sang hră ngă tui amăng hơdôm blan dô̆ glăi mơng thun hrăm.

Găn rơgao 1 thun hăng lu ñu hrơi mông hrăm lăng nao rai mơng ataih, ră anai pơwot glăi hrăm ƀơi sang hră amăng plơi prong Buôn Ma Thuột glăk tañ hơđong pơphun bruă, djă pioh bruă hrăm hră, mă tŭ hrơi mông čơđai dưi nao sang hră pơphun pơtô pơhrăm hăng hrăm ba glăi bôh tơhnal kiăng ngă giong truh kih klă bruă mă thun hrăm hmâo ba tơbiă./.

Siu H’ Prăk: Pơblang