VOV4.Jarai-Mơguah lơ 29/8, rơbêh 450 rơbâo čô čơđai sang hră tơring čar Dak Lak hok mơak mut thun hrăm phrâo 2022-2023. Hik hăk, pran jua mơak ăt hơmâo ƀiă tơlơi bơngơ̆t amăng hrơi blung a pơwơ̆t glăi pơ sang hră tơdơi kơ sa bơyan pơdơi prong anun jing tơlơi juăt hơmâo amăng ƀing čơđai sang hră mơ̆ng gưl muai truh pơ gưl klâo.

Čơđai sang hră gưl sa Võ Thị Sáu amăng hrơi blung a mut glăi thun hrăm phrâo

Kiăng kơ mông mơak mut thun hrăm phrâo klă hiam kơ abih bang čơđai sang hră glăi hrăm hră, Gơnong bruă pơtô hăng pơjuăt git gai djop sang hră tui hluai tơlơi gêh găl amăng sang hră, plơi pla pơphun tơlơi ngui ngor jơnum mơak, rơnuk rơnua, djơ̆ hăng hnơr čơđai sang hră, djơ̆ hăng gru grua mơ̆ng đưm djuai ania pioh kơ čơđai muai čơkă thun hrăm phrâo mơak, boh nik ñu čơđai hrăm anih blung a mơ̆ng sa gưl phrâo. Mơ̆ng anun djru kơ čơđai muai hơđong pran jua, đăo kơnang mơak mut thun hrăm phrâo.

Nay Jek: Pơblang