VOV4.Jarai - Pơphun mơng lơ 26/4 truh abih lơ 3/5, čơđai anih 12 amăng đơ đam dêh čar ta amra ngă hră pơmut amăng Glông wai lăng bruă pơplông mơng Ding jum pơtô pơhrăm kiăng lông lăng ngă hră pơplông mă ƀăng gưl 3 thun 2022 hăng hơdră lăng nao rai mơng ataih. Anai lĕ thun blung a čơđai sang hră ngă hră pơplông lăng nao rai mơng ataih pơ ala kơ pơplông ƀơi sang hră hăng hră pơsit ƀơk brơi kah hăng djop thun ôh. Yua anun, Ding jum pơtô pơhrăm pioh năng ai ñu 1 rơwang hrơi tơjuh pioh cơđai pơhrăm hơdôm bruă ngă hră amăng glông wai lăng bruă pơplông, hlâo kơ ngă hră rơkâo pơplông lăng nao rai mơng ataih sit nik. Ding jum ăt hmâo ngă pơphô laih lăng nao rai mơng ataih ƀơi 2 bôh sang hră gưl 3 kual tơnap tap mơng tơring čar Bắc Giang hăng Hoà Bình, bôh tơhnal ƀing čơđai ngă hră rơkâo pơplông lăng nao rai mơng ataih gêh gal biă. Tơdơi hơdôm hrơi ngă hră lông lăng, mơng lơ 4/5 truh lơ 5 mông čơtlăm lơ 13/5, čơđai amra sit nik ngă hră rơkâo pơplông lăng nao rai mơng ataih tui glông wai lăng bruă pơplông ƀơi sang hră gưl 3./.

Siu H’ Prăk: Pơblang