3 čô mơnuih dưi apah bơni anun lĕ ayong Đặng Bá Thương, 31 thun, plơi pla pơ Thanh Hóa, dŏ ƀơi sang či akiăng jơlan Đào Duy Từ, phường 4, plơi prong Đà Lạt, ơi Lương Khánh 49 thun, dŏ ƀơi jơlan Nhà Chung, phường 3, plơi prong Đà Lạt hăng adơi Võ Quỳnh Thư, hrăm anih 7A12 sang hră gưl dua Nguyễn Du, plơi prong Đà Lạt. Tui hăng anun, mơguah lơ 20/2, hlăk nao pơ sang hră krah jơlan Hai Bà Trưng, phường 6, plơi prong Đà Lạt, adơi Võ Quỳnh Thư duñ hĭ sa boh măi telephô iPhone 14 Plus hăng rơnoh truh 18 klăk prăk. Tơdơi kơ anun, Thư nao mơ-it glăi ƀơi sang bruă tơhan kông an phường 6 kiăng rơkâo ĕp pô ñu hăng brơi glăi kơ pô măi telephôn ngă lê̆ hĭ anun.

Giong pơtong glăi tong ten, kông an phường 6 tañ mơ̆n ĕp ƀuh pô măi telephôn, laih dơ̆ng, brơi Thư pô mơtam jao glăi măi telephôn hiam kơ pô gơ̆, sa čô tuai hyu ngui rai mơ̆ng ƀôn prong Hồ Chí Minh ngă lê̆ trun hĭ. Hlâo kơ anun, tlam lơ 13/2, krah jơlan Trần Phú, phường 3, plơi prong Đà Lạt, ayong Đặng Bá Thương hrŏm hăng ơi Lương Khánh hơmâo duñ ƀăp dưm prăk. Amăng lăm hơmâo 2 pok hră rup kak rơdêh hăng 11 klăk prăk mơta. Ayong Thương hăng ơi Khánh iâu pô ƀap laih anun nao pơ sang bruă kông an phường 3 pioh jao glăi. Giong anun, anom bruă tơhan kông an pơsit hăng  brơi jao glăi djơ̆ kơ pô rơngiă ƀap prăk lĕ Nguyễn Lê Trãi, tuai hyu ngui rai mơ̆ng tơring čar Khánh Hòa.