Mông pơdă gơnam sĭ hmâo tơlơi gum hrŏm mơ̆ng 120 bôh anom bơwih ƀong, anom mă bruă hrŏm, sang anô̆ bơwih ƀong sĭ mơdrô, hăng 130 anih pơdă añăm pơtăm, bơnga, tuai čuă lăng đang hmua, hơdôm gơnam OCOP pơkra phara ha jăn, pran kơtang mơ̆ng plơi prong Đà Lạt, Bảo Lộc hăng hơdôm bôh tơring glông mơ̆ng tơring čar Lâm Đồng.

Rơngiao kơ anun, quận 8 – ƀôn prong Hồ Chí Minh hăng Ƀirô mă bruă čar tơring glông Hampyeong (tơring čar Jeolla Dơnung, Hàn Quốc) ăt hmâo anih pơdă gơnam lăi pơthâo. Tui hăng ơi Nguyễn Văn Sơn, Kơ-iăng Khua Jơnum min mơnuih ƀôn sang plơi prong Đà Lạt, mông pơdă gơnam lĕ anih anom pioh pơtrut sĭ mơdrô, jing anih anom gêh gal pioh hơdôm khul grŭp, mơnuih glăk mă bruă amăng bruă ngă đang hmua, pơkra gơnam, sĭ mơdrô añăm pơtăm, bơnga hăng hơdôm gơnam pơkra phara mơ̆ng plơi prong bưp, lăi pơthâo nao rai tơlơi pơhing, hơduah ĕp bơnah gum hrŏm hăng kĭ pơkôl hơdôm hră pơ-ar sĭ mơdrô gơnam. Mông pơdă añăm mơtăm – nơnga sui truh lơ 15/12 pơ̆ anăp./.