VOV4.Jarai - Mơguah (14/6), Khul pơ ala mơnuih ƀon sang ƀôn prong Đà Nẵng pơphun jơnum pơčrông sai laih dong ruah pơplih mơnuih apăn bruă amăng Khul pơ ala mơnuih ƀon sang ƀôn prong. Amăng mông jơnum, Khul pơ ala mơnuih ƀon sang ƀôn prong hơmâo ngă tui tơlơi pơtrun brơi pơdơi bruă hăng Kơ-iăng khua khul pơ ala mơnuih ƀon sang ƀôn prong hăng tơbiă mơng khul Khua pơ ala mơnuih ƀon sang ƀôn prong tal X, rơwang thun 2021-2026 hăng ơi Lê Minh Trung.

Hlâo anun, amăng jơnum Khul apăn bruă Ping gah yua Khua git gai Ping gah dêh čar ơi Nguyễn Phú Trọng git gai, Khul git gai Ping gah pơsit pơsir hĭ bruă ngă soh tui hơdră: brơi pơdơi bruă amăng Ping gah hăng ơi Lê Minh Trung, Ding kơna Khul apăn bruă Ping gah ƀôn prong, Kơ-iăng Khua git gai Ping gah ƀôn prong, Kơ-iăng Khua khul pơ ala mơnuih ƀon sang ƀôn prong Đà Nẵng. Ơi Trung ƀu hrăm, ngă tui pran hơdip, bruă mă tơpă sit; ngă soh hăng tơlơi pơkă mơng Ping gah, tơlơi pơkă kơ pran ba gru, ngă soh tơlơi phiăn rơkơi bơnai hăng sang anŏ. Tơlơi ngă soh mơng ơi Lê Minh Trung ngă lu mơnuih bơngŏt, bơdjơ̆ nao tơlơi đăo gơnang amăng Ping gah, anom bruă kơnuk kơna hăng mơnuih apăn bruă Ping gah.

Siu Đoan: Pơblang