VOV4.Jarai - Čơtlăm lơ 17/1, ƀôn prong Đà Nẵng pơphun Jơnum pok pơhai Jơlan hơdră gum hrom tuai čuă ngui – jơlan rơdêh por hăng pơtrut jơlan por nao pơ̆ Đà Nẵng. Jơlan hơdră lăi pơthâo truh bruă tuai čuă ngui hăng bơwih brơi gah bruă rơdêh por kơčăo bruă pok bah amăng jơlan por jar kơmar amăng thun 2022 hrom hăng hơdôm hơdră bruă djru gah rơdêh por mă yua ră anai. Ră anai, tơdron rơdêh por jar kơmar Đà Nẵng hmâo hơdră bruă hrŏ trun mơng 10-15% hră čih nua nao rai hăng rơdêh por hăng Anom wai lăng bruă rơdêh por jar kơmar; Brơi yua đôč anom mă bruă kơ hơdôm bôh anom wai lăng bruă rơdêh por. Ăt amăng cơtlăm lơ 17/1 mơn, Gơnong bruă wai lăng tuai čuă ngui ƀôn prong Đà Nẵng hăng Sang bruă pơčruh prăk hrom bơwih ƀong Duy Anh kĭ pơkôl Hră čih djă pioh gum hrom pơphun tơlơi Bơkơtuai pơlar jơlan por nao kual ASIA 2022. Bơkơtuai pơlar jơlan por ASIA thun 2022 pơkă hlâo pơphun mơng lơ 6-8/6/2022, ngă pơhư̆č rơbêh kơ 500 čô khua pơ ala mơng 110 bôh anom rơdêh por, 30 bôh anom wai lăng tuai čuă ngui. Anai lĕ tơlơi dưi čang rơmang pơphun glăi bơkơtuai bruă rơdêh por jar kơmar ƀơi Đà Nẵng./.

Siu H’ Prăk: Pơblang