Amăng hơdôm thun laih rơgao, mrô mơnuih ngă khua, đah kơmơi ngă ping gah ƀơi Dak Lăk jing thạc sĩ, tiến sĩ, hơmâo ruah ngă khua git gai amăng hơdôm anom bruă Ping gah, Kơnuk kơna djŏp gưl jai hrơi lu. Lu đah kơmơi ping gah ngă pô wai lăng anih pơkra gơnam, anom bơwih ƀong rơgơi pơđĭ kyar bơwih ƀong nao hrŏm hăng djă pioh răk lui gru grua hiam mơ̆ng djuai ania. Ƀơi jơlan hơdră anai, ƀing khua mua hơmâo hơdor glăi gru grua hing ang 95 thun hrơi akŏ pơdong Ping gah Cộng sản Việt Nam hăng hơdôm tơlơi gum pơgôp mơ̆ng djŏp rơnuk, djŏp đah kơmơi djŏp djuai ania tơring čar Dak Lăk. Hơmâo đah kơmơi ping gah đa rơgơi mơbruă ăt hơmâo ră ruai lăi nao bruă pơtrut tui tơlơi gơgrong nao hlâo mơ̆ng ƀing đah kơmơi amăng bruă ngă tui hăng iâu pơthưr ƀing đah kơmơi amăng plơi pla ngă tui tơlơi pơtrun mơ̆ng Ping gah, tơlơi phiăn mơ̆ng Kơnuk kơna.

Hơdôm tơlơi thâo thăi amăng bruă ƀuh, pơtô pơjuăt, pơƀuh mơnuih rơgơi mă bruă amăng ping gah, jing pơtrut tui tơlơi gơgrong bruă mơ̆ng ƀing đah kơmơi amăng bruă akŏ pơdong ping gah hăng gong gai; lăng yôm tơlơi gơgrong bruă mơ̆ng mơnuih ping gah amăng hrăm, ngă tui gru kơnuih Hồ Chí Minh. Ƀrô tal anai, Grup pơphun jơnum hơmâo brơi bơnga hăng gơnam pơpŭ kơ 50 čô đah kơmơi ping gah rơgơi hơmâo lu tơlơi gum djru amăng djŏp bruă mă ƀơi Dak Lăk.