Khua mir sir ơi Lương Cường lăp hơdor hăng bơni biă mă lơ̆m ƀing khua apăn bruă, tơhan pơgang guai ngă hrŏm kjăp hăng gong gai ping gah, djŏp gưl anom bruă djru lăng ba hrơi Tê̆t kơ mơnuih ƀôn sang pơ guai dêh čar; pơdah pran jua gơgrong bruă, pran jua klă hiam mơ̆ng Ling tơhan Mơnuih ƀôn sang Việt Nam sông kơtang. Khua mir sir ơi Lương Cường kiăng ping gah, gong gai djŏp gưl pơƀut ngă truh kih bruă hơmâo jao amăng thun 2025 mơ̆ng hrơi akŏ thun mơtăm.

Amăng anun, tơhan pơgang guai jing gơgrong phun, pơlir hơbit gum pơgôp na nao, ngă truh kih bruă wai lăng, pơgang kjăp lŏn ia, rơnuk rơnua ƀơi guai dêh čar. Ƀrô tal anai, Khua mir sir brơi 200 boh sang dŏ kơ mơnuih ƀôn sang pơ guai dêh čar, hăng nua ñu 10 klai prăk kơ tơring čar Lai Châu laih anun brơi 11 anung gơnam kơ sang anŏ hơmâo anăn kơnuk kơna djru.