Dua čô khua lăng yôm boh than amăng mông jơnum tal 47 Jơnum min pơlir hơbit Kơnuk kơna Việt Nam-Lao đah mơ̆ng dưi ngă tui tơlơi kĭ pơkôl mơ̆ng khua mua, tơlơi ƀuăn mơ̆ng Kơnuk kơna dua boh dêh čar; tŭ ư ngă hrŏm pơphun tŭ yua bruă krăp lăng hrŏm, djru pok pơhai tŭ yua hơdôm Tơlơi kĭ pơkôl hăng Akŏ bruă prong dua boh dêh čar lăi hrŏm hăng Tơlơi ngă hrŏm kơplah wah dua ƀirô khua pơ ala mơnuih ƀôn sang lăi hơjăn; ngă hrŏm kjăp amăng bruă jơnum prong mơ̆ng dua boh lŏn ia; pơbưp nao rai lu hloh, lăi pơthâo hơdôm tơlơi dưi ngă amăng bruă mơ̆ dua bơnah lăp đing nao, biă ñu amăng bruă čih pơkra tơlơi phiăn, wai lăng bruă mă mơ̆ng hơdôm anom bruă Kơnuk kơna.

Ăt amăng lơ 10/1 mơn, Khua dêh čar ơi Phạm Minh Chính tŭ jum ơi Bun Thoong Chít-mạ-ni, Kơ-iăng khua dêh čar Lao, Kơ-iăng khua mir sir, Khua khul ngă giăng mah Lao - Việt Nam hăng Kơ-iăng khua jơnum min djŏp djuai ania mơnuih mơnam dêh čar Lao akŏ pơjing lŏn ia.

Mơmot lơ 10/1, rơdêh por pơgiăng Khua dêh čar ơi Phạm Minh Chính pĕ đuăi mơ̆ng plơi prong jưh jom Viêng Chăn, dêh čar Lao, pơđut tal nao čuă jơmư trư găn klă hiam dêh čar Lao hăng gum git gai jơnum tal 47 Jơnum min pơlir hơbit Kơnuk kơna Việt Nam - Lao.