Tơdơi kơ rơbêh 2 wŏt hrơi tơjuh pok pơhai amăng ứng dụng amăng plang internet (Web App) yua Khul pơphun pok, tal pơplông pơhưč lu mơnuih apăn bruă, ding kơna đah kơmơi hăng abih bang mơnuih ƀôn sang tơring čar Dak Lak mut hrŏm, hăng rơbêh 52.000 tơlơi pơplông djơ̆ lăp. Hơdôm tơlơi pơplông anai hơmâo lăng yôm, lu mơnuih mă puang lu hloh lĕ 200 hăng hrơi mông ngă pơgiong tañ hloh. Yă Nguyễn Thị Hồng Thái, Khua khul pơlir hơbit đah kơmơi tơring čar Dak Lak.

Khua khul pơphun pơplông brơi thâo, tal pơplông anai hơmâo pơsit lĕ bruă kơđi čar pok prong, pơgôp ba hơdôm boh tơhnal akŏ phun mơng hơdôm tơlơi pơtrun rơwang thun 2025-2030 tơl giăm ƀing apăn bruă, ding kơna hăng mơnuih ƀôn sang. Amăng mông jơnum, Khul pơlir hơbit đah kơmơi tơring čar Dak Lak jao 9 pri brơi khul grup hăng 24 čô mơnuih.