Tal pơplông pơhưč tơlơi mut hrŏm mơng 8 grup mơng hơdôm boh tơring čar kual Tong krah-Dap kơdư hơmâo Nghệ An, Thanh Hóa, Quảng Trị, Thừa Thiên Huế, Quảng Nam, Quảng Ngãi, Kon Tum hăng Dak Lak. Hơdôm grup anai amra pơplông amăng 3 črăn hơmâo tơña bla; pơsir hĭ hơdôm tơlơi hăng ngă sen kơ bruă pơgang, pơgăn taih amăng sang anŏ. Khul pơphun pơplông hơmâo jao 1 pri prong hloh, 2 pri tal 2, 3 pri tal tlâo hăng 2 pri tui hơdră bruă mơng rĭm grup.

Tui mrô pel ĕp dêh čar kơ bruă kơtư̆ juă đah kơmơi, čơđai anet ƀơi Việt Nam thun 2019 brơi ƀuh, rĭm hrơi hơmâo 64 čô đah kơmơi hăng 10 čô čơđai lĕ ƀing mơnuih arăng kơtư̆ juă. Amăng 3 čô đah kơmơi hơmâom giăm 1 čô (32%) arăng kơtư̆ juă hăng pơgô̆ mă. Mơng tal pơplông, khul pơphun čang rơmang, ƀing đah kơmơi amra jing ƀing mơnuih krăo lăng, pơtô pơblang brơi abih bang mơnuih thâo amăng bruă pơgang, pơgăn taih amăng sang anŏ, bơkơnar đah rơkơi đah kơmơi, pơjing tơlơi hơdip “rơnuk rơnua, bơkơnar, ƀu hơmâo kơtư̆ juă, pơgô̆ mă hăng ƀing đah kơmơi hăng čơđai”.