Bơlăi pơthâo nao rai amăng mông tŭ jum, Đại tướng Phan Văn Giang lăi rơđah, Việt Nam hăng Malaysia lĕ dêh čar iao gah ƀơi ia rơsĭ, jing ding kơna klă, hmâo bruă gơgrong amăng sa bôh sang hrŏm ASEAN. 

Đại tướng Phan Văn Giang čih djă pioh bôh tơhnal gum hrŏm kơplah wah Khul ling tơhan dua bôh dêh čar hơdôm hrơi rơgao, hrŏm hăng anun rơkâo pơ̆ anăp anai, Khul ling tơhan 2 bôh dêh čar pok pơhai tum djop dong, ba glăi bôh tơhnal hơdôm bruă hmâo pok pơhai hăng glăk pok pơhai; pơphô brơi pok pơhai hơdră bơkơtuai hơdră bruă pơgang lŏn ia gưl kơ-iăng khua ding jum, pơjing hơdră lăi pơthâo brơi bruă tơhan rơdêh por, bơkơtuai gah hlăk ai apăn bruă tơhan; pơtrut gum hrŏm hơdôm bruă mơ̆ dua bơnah hmâo anô̆ gal hăng pran kơtang kah hăng: măi mok mă yua pơgang lŏn ia, bruă ia jrao tơhan, wai lăng tơlơi rơnuk rơnua Sang gum hơbit djop dêh čar; gum lăi pơthâo hăng dŏng yua tơdruă amăng hơdôm mông bơkơtuai lu bơnah./.