VOV4.Jarai - Tơring čar Dak Lăk amăng ƀrư̆ pơphun pơplih mă yua mrô ƀơi să Hòa Phú, plơi prong Buôn Ma Thuột hăng să Phú Lộc, tơring glông Krông Năng. Blung a brơi ƀuh bruă pơplih yua mrô ba glăi tŭ yua sit nik. Hơdôm tơlơi pơplih hăng mrô glăk hơmâo ngă lăng hlâo ƀơi dua boh să či Dak Lăk, anun lĕ bruă akŏ pơdong gong gai yua mrô; pơđĭ kyar bơwih ƀong mrô; pơđĭ kyar mơnuih mơnam yua mrô.

Ngă lăng hlâo bruă mă yua mrô gưl să ƀơi Dak Lăk.

Pơƀut amăng bruă pơhiăp nao rai hăng mơnuih ƀon sang; pơtô hrăm rơgơi; ia jrao rơgơi hăng pơƀuh gru grua hiam mơng plơi pla. Tơdơi kơ giăm 1 blan pơphun ngă, khua mua 2 boh să hơmâo ngă lăng hlâo anai jing pơđĭ tui laih tơlơi pơtruh nao rai hăng mơnuih ƀon sang, anom bơwih ƀong hăng gong gai. Amăng anun, djru ba mơnuih ƀon sang, anom bơwih ƀong hơmâo lu mơnuih thâo, mă yua gêh gal boh thâo phrâo, kiăng pơđĭ kyar tơlơi hơdip kơ mơnuih ƀon sang.      

Siu H’Mai: Pơblang