Tui Khul čơđai gưl dlông Việt Nam tơring čar Dak Lak, đơ đam tơring čar ră anai hmâo rơbêh 12.500 čô čơđai gưl dlông, amăng anun hmâo 3.800 čô čơđai djuai ania ƀiă glăk tui hrăm ƀơi 12 bôh sang hră gưl dlông, cao đẳng ƀơi tơring čar.

Hơdôm hrơi anai, Khul čơđai gưl dlông hơdôm anih anom amăng tơring čar Dak Lak glăk klah čun bruă khul hăng bruă čơđai gưl dlông thun 2022-2023, pok pơhai hơdôm bruă mă mơng Bruă hlăk ai gum djru bơyan pơdơi prong, prăp lui kơ Khul pơplông Olympic Mác – Lênin “Bơngač rơđah pơčrang jơlan” hăng Rơwang gưl tơring čar Khul pơplông “Olympic tơlơi Anglê čơđai sang hră, čơđai gưl dlông” tal 3, ăt kah hăng jơlan hơdră pơdah “Tơlơi suang mơng Ia Rơsĭ” giăm truh. Tal anai, Khul čơđai gưl dlông Việt Nam hmâo ƀơk laih 20 anung prăk djru hrăm hră, rim anung nua ñu 2 klăk prăk kơ ƀing čơđai gưl dlông djuai ania ƀiă mơbruă hmâo lu bôh than amăng bruă mă hăng gum hrom bruă khul, grŭp./.