VOV4.Jarai - Jơnum min mơnuih ƀon sang tơring čar Dak Lak phrâo pơtrun akŏ bruă mrô 15 kiăng pok pơhai hơdôm hơdră djru pơtô brơi bruă mă, ba mơnuih mă bruă pơwŏt glăi mă bruă ƀơi hơdôm anih hơđăp, ĕp brơi bruă mă kơ ƀing mơnuih glăi mơng tơring čar, ƀôn prong kual Dơnung yua klin Covid-19 ngă. Tui anun, hơnong pơkă lĕ 100% mrô mơnuih mă bruă amăng tơring čar Dak Lak (giăm rơbêh 40.000 čô mơnuih) glăi mơng kual klin lar hyu kơtang glăk amăng thun mă bruă kiăng hrăm bruă, ĕp bruă mă amăng tơring čar, pơphun mă bruă ƀudah kiăng pơwŏt glăi anih mă bruă hơđăp amra hơmâo arăng djru brơi.

Dak Lak hơmâo giăm 40 rơbâo čô mơnuih glăi mơng hơdôm tơring čar kual Dơnung

Hrơi mông ngă tui dong mơng akô̆ thun anai truh abih thun 2023, hăng rơnoh prăk mă yua him lăng giăm 248 klai prăk. Tơring čar Dak Lak amra pơtrut kơtang bruă črâo brơi bruă mă, pơphun pơtô hrăm brơi bruă mă lăp djơ̆ hăng tơlơi sit nik, pơhlôm gêh gal; kơtưn pơtô brơi bruă mă pơlir hăng hơdôm anom bơwih ƀong sĭ mơdrô, hơdôm sang măi, kiăng kơ ba mơnuih nao mă bruă tơdơi kơ hrăm giong.

Siu Đoan: Pơblang