Dak Lak: 44 boh să, phương rơkâo tla glăi 155 klai prăk djru hlô rông
Thứ tư, 10:57, 07/10/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Amăng jơnum tui tơđar blan 9 mơng Jơnum min mơnuih ƀon sang tơring čar Dak Lak tlam kơnôl 6/10, gơnong bruă ngă hmua hăng ayuh hyiăng tơring čar brơi thâo, truh kơnôl 5/10, hơdôm boh ƀon lan amăng tơring čar hơmâo djru brơi rơbêh 207 klai prăk, anai lĕ prăk djru hlô rông djai yua hơjan ia ling dăo.
Samơ̆, hơmâo 44 amăng abih tih 65 boh să, phương hơmâo rơkâo tla glăi prăk djru, hăng mrô prăk 155 klai prăk. Mrô prăk dŏ glăi glăk hơmâo hơdôm boh ƀon lan pel ĕp glăi, jŭ yap hăng djru brơi ƀing mơnuih djop tơlơi gal. Tui gơnong bruă ngă hmua hăng ayuh hyiăng, amăng hrơi blan rơgao, gơnong bruă hơmâo lu wŏt črâo ba djop ƀon lan ĕp lăng anŏ răm rai, pơsit tong djơ̆ mơnuih kiăng djru, pơhlôm bruă djru brơi djơ̆ tơlơi pơkă.
Sa, dua boh ƀon lan mơng ĕp lăng blung a hăng pơsit ƀu hơmâo hlơi djop tơlơi gal djru brơi yua anun rơkâo tla glăi prăk. Jơnum min mơnuih ƀon sang tơring čar Dak Lak rơkâo djop ƀon lan tŏ tui pel ĕp ječ ameč, pok pơhai bruă djru brơi djơ̆ mơnuih hăng pơhlôm djơ̆ hrơi mông ba tơbiă.
Viết bình luận