Dak Lak akŏ pơjing 3 grup pel ĕp pơhlôm mơnong ƀong huă hơdjă
Thứ tư, 10:17, 16/04/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Kiăng pok pơhai tŭ yua “Blan ngă bruă kiăng pơhlôm brơi mơnong ƀong huă hơdjă” thun 2025, Jơnum min mơnuih ƀôn sang tơring čar Dak Lak akŏ pơjing 3 grup pel ĕp pơlir gơnong bruă, pơphun pel ĕp mơnong ƀong huă ƀơi hơdôm boh ƀon lan amăng tơring čar.
Tui anun, dong mơng lơ 15/4 truh lơ 15/5, hơdôm grup pel ĕp hơmâo pơphun pel ĕp kơ bruă pơhlôm mơnong ƀong huă hơdjă ƀơi 9 boh ƀon lan amăng tơring čar. Bruă pel ĕp kiăng pơtrut pran gơgrong amăng wai lăng kơ bruă pơhlôm mơnong ƀong huă hơdjă, hmao tlôn ĕp ƀuh, pơgăn hăng pơsir hơdôm bruă ngă soh amăng bơwih ƀong huă, sĭ mơdrô mơnong ƀong huă; laih dong lăng glăi bruă pok pơhai blah ngă bruă ƀơi hơdôm boh ƀon lan, gơnong bruă, anom bruă.
Amăng tal pel ĕp, hơdôm anom bruă bơdjơ̆ nao ăt amra pel ĕp, pơsir hơdôm tơlơi gun amăng bruă wai lăng, ba tơbiă hơdră bruă kiăng hrưn đĭ tŭ yua pơhlôm mơnong ƀong huă hơdjă amăng tơring čar.
Viết bình luận