Hrŏm hăng anun pel ĕp hơdôm tơlơi lăi pơthâo glăi kơ bruă lăng tui; hră čih Tơlơi lăi pơthâo glăi ruah mă tơlơi gum pơhiăp, rơkâo đĭ mơ̆ng mơnuih pơ ala kơ mơnuih ƀôn sang hăng mơnuih ƀôn sang mơ-ĭt truh Tal jơnum lok 9, Khua pơ ala mơnuih ƀôn sang dêh čar ta tal 15.

Mơ̆ng thun 2022 truh abih blan 6 thun anai, Khua pơ ala mơnuih ƀôn sang hmâo tơlơi pơtrun pơsit hrŏ trun 2% mrô mă jia hăng lu djuai gơnam sĭ mơdrô, bruă blơi sĭ. Kiăng pơtrut bruă bơwih ƀong, sĭ mơdrô, pơsur mơnuih blơi yua, ngă tui tơhnal ba tơbiă pơđĭ kyar hmâo 8% hăng lu hloh, Gong gai dêh čar lăi pơthâo dong hră čih Tơlơi pơtrun pơsit kơ Khua pơ ala mơnuih ƀôn sang dêh čar kơ hrŏ trun mă jia kơ 6 blan rơnuč thun 2025 hăng sa thun 2026. Rơđah biă ñu pok prong hăng dưi hrŏ trun 2% mrô mă jia hăng gơnam sĭ mơdrô, bruă blơi sĭ pioh kơ bruă bơwih ƀong huă sĭ mơdrô, tuai čuă ngui, blơi yua./.