Đĭ pơhiăp amăng mông jơnum, Khua mir sir ơi Lương Cường lăi rơđah: blah dưi lơ 30/4/1975 pơklaih rơngai kual Dơnung lĕ tơlơi yôm phăn amăng gru grua djuai ania Việt Nam. Amăng tal blah dưi hing ang anun hơmâo tơlơi pơgôp prong prin mơng bruă pơtom hiăp Việt Nam. Khua mir sir brơi thâo, bruă pơtom hiăp hơmâo tŏ tui tơlơi dong yua prong wŏt gơnam tam hăng pran jua mơng hơdôm boh dêh čar amăng rŏng lŏn tơnah, pơjing rai bruă jar kmar pok prong dong yua bruă ngă hơkrŭ mơng mơnuih ƀôn sang Việt Nam.

Amăng gru grua rơnuk thun tal 20, ƀiă đôč hơmâo tơlơi ngă hơkrŭ mơng djuai anai tum pơƀut glăi tơlơi dong yua lu anih hăng pran kơtang amăng lŏn ia laih dong mơng gah rơngiao kar hăng dêh čar Việt Nam. Hrŏm hăng anun, bruă pơtom hiăp hơmâo gum hrŏm lăp djơ̆, kjăp phik hăng bruă ling tơhan hăng kơđi čar “Blah rah, bơkơtuai rah”, mơng anun ba glăi tơlơi dưi ƀơƀrư̆, ngă atur brơi tal pơklaih rơngai kual Dơnung, pơlir lŏn ia jing sa anăp nao tơlơi dưi abih bang.