VOV4.Jarai - Hrŏm hăng ƀing čơđai đơ đam dêh čar ta, lơ 7/7, rơbêh 20.000 čô čơđai ƀơi Dak Lăk mut amăng hrơi pơplông blung a abih anih 12 thun 2022. Rơngiao kơ tơlơi gir mơng sit pô ƀing čơđai, jing hơmâo tơlơi lăng ba mơng amĭ ama, abih bang mơnuih dong. Tui hăng tơlơi pơkă mơng Ding jum pơtô hăng pơjuăt, 6mông 30 mơnit, čơđai khŏm nao truh pơ anih pơplông.

Hăng tơlơi pơkă thun anai, ƀing čơđai amra mơ-it hnă gơnam ñu djă ba ataih mơng anih pơplông 25m, tơdơi kơ anun pơƀut ƀơi anăp anih pơplông kiăng nai wai lăng iâu anăn mut pơplông. Kiăng pơhlôm djơ̆ mông, mơng 6 mông mơguah mơtăm, ƀing čơđai hăng sang anŏ ñu nao truh laih pơ anih pơplông.

Ƀing čơđai hơmâo hlăk ai djru brơi ia mơñum

Kiăng djru ba čơđai, ƀing hlăk ai hơmâo djru brơi čơđai mut nao pơ anih pơplông. Hăng tơlơi lăng ba mơng amĭ ama, hơmâo tơlơi gum djru mơng abih bang mơnuih ƀon sang, ƀing čơđai ƀơi Dak Lăk hơđong pran jua mut nao pơplông abih anih 12 thun 2022.

Siu H’Mai: Pơblang