VOV4.Jarai - Ngă tui bruă dưm dăp, pơhrŏ trun mơnuih apăn bruă, hrưn đĭ klă dong amăng bruă mă amăng anih anom kơđi čar tui tơlơi pơtrun gơnong glông mrô 6 (tal XII), truh thun 2025, tơring čar Dak lak amra hrŏ trun rơbêh 3.800 biên chế ƀing apăn bruă, mơnuih mă bruă amăng gơnong bruă gưl tơring čar ƀơi djop anih anom mă bruă. Tui lăi pơthâo mơng gơnong pơphun bruă mă tơring čar Dak Lak, amăng thun 2021, tơring čar hrŏ trun rơbêh 10% mrô biên chế, dưm dưm giăm 1.500 čô.

Gơnong bruă pơtô pơjuăt Dak Lak amra bưp lu tơnap tap lơ̆m ngă tui hơdră pơhrŏ biên chế

Mơng anai truh thun 2025, him lăng đơ đam tơring čar tŏ tui pơhrŏ rơbêh 3.800 čô mơnuih apăn bruă, mơnuih mă bruă, công chức, viên chức amăng gơnong bruă gưl tơring čar hăng hơdôm anih anom bruă mă. Ơi Bạch Văn Mạnh, Khua gơnong pơphun bruă tơring čar Dak Lak brơi thâo: amra hơmâo lu tơlơi tơnap tap lơ̆m pơhrŏ trun mơnuih mă bruă, biă mă ñu lĕ hăng gơnong bruă ia jrao laih dong pơtô hrăm. Samơ̆, tơring čar gir run ngă tui bruă anai djơ̆ hăng tơlơi pơkă. Blung hlâo, thun 2022 pơhrŏ trun giăm 800 čô mơnuih apăn bruă, tŏ tui amra hrŏ trun giăm 1.000 čô rĭm thun.

Siu Đoan: Pơblang