Đơ đam tơring čar ră anai, hơmâo 1000 boh sang hră mơ̆ng gưl muai truh gưl klâo, hăng giăm 470 rơbâo čô čơđai sang hră, amăng anun mrô čơđai sang hră mơnuih djuai ƀiă gưl muai 35%, čơđai sang hră gưl sa 40%. Thun hrăm 2021-2022, hơmâo 98% mrô čơđai sang hră djuai ƀiă hrăm gưl sa hrăm giong hơdră pơtô tơlơi hrăm tiếng Việt; mrô čơđai sang hră mơnuih djuai ƀiă mut hrăm anih sa djơ̆ thun jing 6 thun hơmâo 99%.

Thun blan pơ anăp, anom bruă pơtô hăng pơjuăt tơring čar Dak Lak ăt pơtrut pơtô hrăm kơ ƀing nai pơtô hrăm, ƀing ngă bruă wai lăng gah anom bruă pơtô hăng pơjuăt thâo tong ten hơdră pơtô tơlơi hrăm tiếng Việt hơmâo 2 mông lơ̆m sa wơ̆t hrơi tơjuh mơ̆ng anih 1-5; kơtưn pơtô tơlơi hrăm tiếng Việt kơnang kơ bruă pơtô tơlơi pơhiăp amĭ ƀă yă pơjing hăng djă pioh gru grua hiam đưm djuai ania pô; kơtưn pơtô tiếng Việt amăng hơdôm tơlơi hrăm pơkŏn hăng bruă mă pơtô pơjuăt….