VOV4.Jarai - Ƀrô hrơi ngă lơphet hơdor Hrơi akŏ pơdong kơnuk kơna lŏn ia ta lơ 2/9, Khul čih hră pơhing tơring čar Dak Lăk hơmâo pơphun jao 2 boh sang dŏ hơdor tơngia kơ hơdôm boh sang anŏ ƀun rin ƀơi tơring glông Mdrăk. Tui anun, hơdôm anom bruă hơmâo brơi sang kơ amai H’Biêr Byă, sa čô đah kơmơi rông ană hơjăn ñu, ƀơi ƀuôn Aê Lai (să Krông Jing), laih anun brơi sang dŏ kơ sang anŏ ayong Lê Đức Tường, sang anŏ rin ƀơi thôn 3 (să Ea H’Mlay).

Hơdôm anom bruă jao sang dŏ brơi amai H’Biêr Byă

Rim boh sang prong giăm 80m2, prăk man pơkra rơbêh 100 klăk prăk; amăng anun Kông ti Apui lơtrik Dak lăk djru ba giăm 50 klăk, mrô prăk dŏ glăi yua Khul čih hră pơhing Dak Lăk, gong gai plơi pla hăng sang anŏ pơčruh brơi. Tơdơi kơ giăm 4 blan man pơkra, sang dŏ hơmâo pơkra giong laih, laih anun jao glăi kơ 2 boh sang anŏ djơ̆ hrơi Hơdor glăi hrơi akŏ pơdong kơnuk kơna lŏn ia lơ 2/9 thun anai. glăi dŏ amăng sang dŏ phrâo, amai H’Biêr Byă ol kơdol amăng pran jua: “Yua kơ hơmâo prăk mơng jơnum min djŏp djuai ania mơnuih mơnam, hơdôm anom bruă thâo pap djru brơi anun jing sang anŏ gơmâo hơmâo sang dŏ phrâo, hiam laih. mơng anai sang anŏ gơmơi amra gir ngă bruă hloh dong đah mơng hơmâo prăk kăk, kiăng hơdip jơnap ƀiă dong”.

Siu Đoan: Pơblang