Dak Lăk brơi hră pơpŭ “Amĭ Việt Nam Sông kơtang” hăng brơi 67 Miđai Mă bruă
Thứ ba, 13:52, 28/07/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Tom brơi (kơnôl 27/7), hrŏm hăng đơ đam čar ta ngă lơphet 79 thun Hrơi tơhan rơka - Tơhan djai pơsăn drơi kơ lŏn ia (27/7), Ping gah tơring čar, Khul khua pơ ala mơnuih ƀôn sang, Jơnum min mơnuih ƀôn sang, Jơnum min djŏp djuai ania mơnuih mơnam Việt Nam tơring čar Dak Lăk pơphun ngă lơphet brơi hră pơpŭ bơni mơ̆ng Kơnuk kơna “Amĭ Việt Nam Sông kơtang” laih anun jao brơi tơlơi apah bơni yom biă mơ̆ng Khua mir sir.
Hăng pran jua hơdor bơni dlăm biă mă, tơring čar Dak Lăk hyu ĕp, pơhrua tui tơlơi pơpŭ bơni gưl Kơnuk kơna “Amĭ Việt Nam Sông kơtang” hăng 7 čô amĭ Việt Nam sông kơtang. Mah ƀing amĭ djai laih, ƀu hơmâo nao čơkă mă ôh hră pơpŭ bơni yom hrơi anai, samơ̆ tơlơi gum djru tuh rơyuh pran jua, hăng djai drơi pô mơ̆ng ƀing amĭ hơmâo na nao Ping gah, Kơnuk kơna, mơnuih ƀôn sang hơdor bơni, dŏ hrŏm na nao hăng plơi pla, lŏn ia.
Ƀơi mông ngă lơphet, tơring čar Dak Lăk brơi Miđai mă bruă tal Sa, tal Dua laih anun tal Klâo hăng 67 čô. Anai jing gơnam pơpŭ yom biă, pơƀuh tơlơi tŭ yap mơ̆ng Ping gah, Kơnuk kơna hăng thun blan gir kơtir, gơgrong bruă, gum pơgôp mơ̆ng ƀing ngă bruă rơgơi akŏ pơdong plơi pla, lŏn ia./.
Viết bình luận