Nao pơ tơdron rơdêh por jar kmar Nội Bài čơkă ƀing khua, hơmâo Kơ-iăng khua pơ ala mơnuih ƀôn sang yă Nguyễn Thị Thanh; Kơ-iăng khua Jơnum min pơgang lŏn ia, rơnuk rơnua hăng pơtom hiăp Vũ Hải Hà. Tal rai pơ Việt Nam mơ̆ng Khua pơ ala mơnuih ƀôn sang čar Kur pok jơlan phrâo amăng tơlơi rô nao rai dua bơnah Anom bruă pơ ala mơnuih ƀôn sang, anăp nao lăng mơnuih ƀôn sang yơh akŏ phun, kiăo tui hơdôm bruă ngă hrŏm dua bơnah.

Amăng tal čuă jơmư anai, Khua pơ ala mơnuih ƀôn sang dêh čar Kur, yă Samdech Khuon Sudary pơčrông sai hăng Khua pơ ala mơnuih ƀôn sang dêh čar ơi Trần Thanh Mẫn, bưp khua mua pơprong mơ̆ng Việt Nam, nao čuă jơmư hơdôm grup bơwih ƀong prong, sang ia jrao mơ̆ng Việt Nam. Rơngiao kơ anun dong, hơdôm anom apăn sa mơta bruă mơ̆ng Ƀirô khua pơ ala mơnuih ƀôn sang dua bơnah hơmâo pơčrông sai kiăng pơtrut tui dong bruă ngă hrŏm pơ anăp anai./.