Hăng tơlơi git gai mơ̆ng Khua pơ ala mơnuih ƀôn sang dêh čar ơi Trần Thanh Mẫn, tom brơi (kơnôl 27/7), Jơnum min apăn bruă phun pơ ala mơnuih ƀôn sang jơnum lok 4, pơgôp hiăp kơ Tơlơi pơtrun mơ̆ng ƀing khua pơ ala kơ bruă pơgang, pơkơdong glăi mơnuih ngă soh, ƀing ngă soh tơlơi phiăn, bruă mă mơ̆ng Sang bruă tơgŭ kơđi mơnuih ƀôn sang, mơ̆ng Sang phat kơđi hăng bruă bơtơhmal tơlơi ngă soh...

Ăt ƀơi mông jơnum, Jơnum min apăn bruă phun pơ ala mơnuih ƀôn sang dêh čar pơgôp hiăp hăng Hră pơthâo mơ̆ng Kơnuk kơna kơ Tơlơi pơkă jơlan gah ngă bruă, hơdră djru phara hăng anih man pơdong plơi prong trun pơ ia rơsĭ ƀơi ƀôn prong Đà Nẵng. Tui anun, kơčăo bruă năng ai 1500ha, prăk man pơdong rơbêh kơ 400 rơbâo klai, him lăng đĭ kyar jing plơi prong dong amăng ia rơsĭ phrâo, hiam kar hăng čar rơngiao mơtăm, anih anom pơƀut djŏp tơlơi rơgơi, prăk tuh pơ alin, boh thâo ia rơgơi, pơčeh phrâo. Gum pok prong anih đĭ kyar, jing tơlơi gêh găl phrâo pơtrut đĭ kyar bơwih ƀong gah ia rơgơi, lăp djơ̆ hăng tơlơi kiăng pơplih hơdră đĭ kyar lŏn ia amăng rơnuk phrâo./.