VOV4.Jarai-Ƀrô hơdor glăi tal 75 thun hrơi tơhan rơka rơkač hăng ƀing djai pơsăn drơi jăn kơ lŏnia lơ 27/7, lơ 24/7, ƀơi să Êa Kuăng, tơring glông  Krông Pač, anom bruă tơdăm dra mut phung tơring čar Dak Lak pơphun hơdră anăn “Jơlan hơdră hlăk ai Dak Lak –Čih pioh dơ̆ng tơlơi ră ruai rơnuk rơnua” hăng lu bruă mă tŭ yua, kah hăng bưp jơnum bơ ră ruai tơlơi hơkrŭ đưm, gru grua hơkrŭ hăng ƀing tha rơma, mơnuih ngă bruă hơkrŭ rơnuk blah ayăt Mi pơklaih rơngai lŏn ia; čuă neh wa amĭ Việt Nam khin hơtai Trần Thị Lý; ƀơk gơnam kơ 20 boh sang anŏ hơmâo anăn kơnuk kơna djru, pla kyâo amăng anih ngă pơsat gong kut să Êa Kuăng, pơkă lăng hăng pơjrao duăm ruă kơ mơnuih ƀôn sang ƀun rin.

Jao hnăl ring bruă kơ hlăk ai tơdăm dra mut phung ngă bruă

Ming pơkra glăi pơnăng čih anăn tơhan djai pơsăn drơi jăn kơ lŏn ia ƀơi 2 boh să Êa Kuăng hăng Êa Phê, tơring glông Krông Pač. Rơnoh prăk tuh pơ alin mă bruă rơbêh 70 klăk.

Hyu čuă jơmư hơdôm sang anŏ hơmâo anăn kơnuk kơna djru

Ƀrô djơ̆ tal anai, djop tơring glông hăng anom bruă tơdăm dra mut phung pok pơhai ngă tui lu ring bruă, bruă mă yôm pioh hơdor kơ tal 75 thun hrơi Tơhan rơka rơkač hăng ƀing djai pơsăn drơi jăn kơ lŏn ia.

Nay Jek: Pơblang