VOV4.Jarai - Hrơi pơplông abih anih 12 ƀiă truh laih, anom bruă pơtô hăng pơjuăt Dak Lăk glăk gir ngă bruă yua pơplông rơnuk rơnua, klă, pơhlôm ƀu brơi čơđai pơpă yua sang anŏ tơnap mơ̆ ƀu dưi nao pơplông. Thun anai, Dak Lăk hơmâo rơbêh 20.400 čô čơđai hơmâo anăn pơplông; amăng anun hơmâo rơbêh 19.500 čô čơđai glăk hrăm anih 12, hrăm thun pơkă sit nik wơ̆t hăng pơtô hrăm re se, dŏ glăi lĕ ƀing čơđai gah rơngiao. Kiăng prăp lui kơ mông pơplông, tơring čar him lăng pơphun ƀơi 32 anih pơplông sit nik hăng 869 boh anih ƀơi hơdôm boh sang hră gưl 3 či 15 boh tơring glông, plơi prong.

Sa hrơi hrăm mơng čơđai anih 12 sang hră Nguyễn Bỉnh Khiêm, tơring glông Krông Pač, Dak Lăk

Kiăo tui tơlơi pơplih kơ Tal pơplông thun 2022 hơmâo lăi pơthâo, Gơnong bruă pơtô hăng pơjuăt tơring Dak Lăk git gai hơdôm anom bruă pơtô hrăm ngă giong akŏ bruă djơ̆ hrơi pơkă, pioh mông pơtô pơhrua tui kơ ƀing čơđai. Rơngiao kơ anun, ngă hrŏm hăng ƀing apăn bruă pơtô hrăm amăng hăng gah rơngiao sang hră hơmâo hơdră djru čơđai hơdor glăi tơlơi hrăm, biă ñu lĕ ƀing čơđai sang anŏ tơnap.

Siu H’Mai: Pơblang