VOV4.Jarai-Mơguah lơ 9/2, Ping gah, jơnum min khul pơ ala mơnuih ƀôn sang, jơnum min mơnuih ƀôn sang, jơnum kin djop djuai ania mơnuih mơnam Việt Nam tơring čar Dak Lak jơnum bưp ƀô̆ mơta ƀing čih tơlơi pơhing phrâo, ƀing pơčeh tơlơi adoh suang, mơnuih rơgơi kơhnâo ƀrô akŏ thun phrâo 2022. Ƀơi mông bưp, 150 čô pơ ala kơ djop sang bruă mơnuih rơgơi kơhnâo adoh suang, mă tơlơi pơhing phrâo lăng glăi bruă dưi ngă laih, djru hrom gong gai kơnuk kơna tơring čar thun rơgao, rơkâo đĭ hơdôm boh yôm phun ia rơgơi tơlơi kơhnâo amăng bruă mă tơlơi pơhing, hră pơhing phrâo, adoh suang amăng hơdôm thun pơ anăp anai dơ̆ng.

Khua mua tơring čar Dak Lak ƀơk pŏ bơnga mơak thun phrâo kơ ƀing čih tơlơi pơhing phrâo adoh suang hăng ƀing rơgơi kơhnâo

Găn rơgao, sa thun tŭ lu tơlơi tơnap tap klin kheng covid 19, grup adoh suang pơphun lu bruă mă tŭ yua pơdah gru grua tơlơi mơak kơ ană plơi pla tơring čar Dak Lak, kual ataih. Phung mă bruă čih tơlơi pơhing phrâo hơmâo čih lăi nao tơpă tơlơi bơwih ƀong huă, pơđĭ kyar mơnuih mơnam tơring čar. Yak nao amăng thun phrâo 2022, khua mua tơring čar Dak Lak čang rơmang khul grup čih tơlơi pơhing phrâo, mơnuih adoh suang, kơtưn lu hloh amăng bruă mă mơ̆ng pô pơgôp pran jua kơ bruă mă ƀơi tơring čar.

Nay Jek: Pơblang