VOV4.Jarai-Tlam lơ 19/5, Anom bruă khua mua pơ ala mơnuih ƀôn sang tơring čar Dak Lak jơnum pơčrông sai sa bruă tal dua, khua mua pơ ala mơnuih ƀôn sang tơring čar tal X pioh ĕp lăng hră pơdah đĭ, lăi pơthâo kiăng pơtong glăi, pơsit hĭ Hră pơtrun brơi mă yua rơnoh prăk mơ̆ng tơring čar pioh pơkra jơlan rơdêh đuăi hmar mơ̆ng Khánh Hòa-Ƀuôn Ma Thuột črăn tal 1 abih tih 916 klai.

Ƀing khua mua tŭ ư hră pơsit mă yua prăk mơ̆ng tơring čar pơkra jơlan rơdêh đuăi hmar

Khánh Hòa-Ƀuôn Ma Thuôt črăn tal 1

Khua mua pơ ala mơnuih ƀôn sang tơring čar Dak Lak, rơkâo jơnum min mơnuih ƀôn sang tơring čar sem glăi, pơtong lăng bruă pơhrui prăk jia kiăng thâo rơđah mă yua rơnoh prăk kơ hơdôm thun tŏ tui, ngă giong bruă jao djơ̆ hrơi blan pơkă; prăp lui rơnoh prăk pơhlôm hlâo sit hơmâo tơlơi či kiăng ječ ameč pok pơhai ngă tui Hră pơtrun mơ̆ng jơnum min pơ ala mơnuih ƀôn sang tơring čar tŭ yua hloh.

Nay Jek: Pơblang