VOV4.Jarai - Mơng akŏ thun truh ră anai, tơring čar Dak Lăk hơmâo čơkă giăm 260 rơbâo wơ̆t čô tuai rai ngui, tuai amăng dêh čar yơh lu hloh. Prăk pơhrui glăi him lăng hơmâo rơbêh 121 klai prăk. Ră anai, tơring čar glăk gir pok pơhai hơdră rŭ glăi tơlơi bơwih ƀong gah tuai hyu ngui. Mơng krah blan 3, Jơnum min mơnuih ƀon sang tơring Dak Lăk hơmâo akŏ bruă pok glăi čơkă tuai mơng čar rơngiao hăng tuai amăng dêh čar, nao rai tui jơlan prang hăng jơlan rơdêh por.

Dak Lăk čơkă giăm 260 rơbâo wơ̆t tuai hyu ngui.

Lăng glăi abih bang gơnam pơkra pioh kơ tuai hơmâo ƀơi hơdôm anih čuă ngui. Pơtruh nao rai, ngă pơhưč tuai hăng tơring čar, ƀon prong amăng dêh čar hăng jar kmar. Pơkra gơnam pioh bơwih brơi tuai phrâo, pơtruh nao rai kual akŏ pơjing tour hyu ngui. Tơring čar Dak Lăk ăt hơmâo hră pơtô ba rơđah mơn kơ hơdôm anom bruă tuai hyu ngui, hơdôm sang jưh tuai, anih đih pơdơi bruă čơkă pơhiăp tom tuai lơ̆m hơmâo pô ƀă klin Covid-19.

Siu H’Mai: Pơblang