Pơtong rơđah tơlơi pơhing pok pơhai ngă tui hơdôm hơdra bruă mơ̆ng dêh čar pơtrun mơ̆ng thun 2021-2023; hơdră pơsir, bruă mă phun mơ̆ng thun 2023-2025 laih anun pok pơhai črăn bruă mơ̆ng thun 2026-2030. Tui hăng mrô rơnoh lăi pơthâo amăng mông jơnum, ngă tui 3 hơdră bruă tơhnal pơkă mơ̆ng dêh čar, Dak Lak arăng jao lĕ 2.319 klai prăk, dưm dưm hăng rơbêh 50% rơnoh prăk abih črăn mơ̆ng thun 2021-2025. Hơdôm tơhnal pơkă mơ̆ng dêh čar pơtrun djru pơtrut tơlơi bơwih ƀong huă hmar, man pơdong plơi pla phrâo hăng pơhrŏ tơlơi ƀun rin ƀơi Dak Lak.

Mrô sang anŏ ƀun rin đơ đam tơring čar trun mơ̆ng 1,5 truh 2% sa thun; mrô sang anŏ ƀun rin amăng kual plơi pla djuai ƀiă hrŏ mơ̆ng 3-4% sa thun. Ăt tui hăng pơtong lăng amăng mông jơnum mơ̆n, bruă ngă tui 3 hơdră bruă mơ̆ng dêh čar pơtrun ƀơi Dak Lak dŏ lu tơlơi tơnap tap, kơƀah....thun blan pơ anăp, tơring čar amra gir run hloh pơsir hĭ hơdôm tơlơi kơƀah, bruă mă aka ƀu găl kiăng ngă tui hơdră tŭ yua hloh. Amăng anun, tơlơi lŏn dŏ, lŏn ngă hmua kơ mơnuih djuai ƀiă khom đing nao hăng pơsir lăp, kiăng pơgang ba mơnuih djuai ƀiă hơđong tơlơi hơdip mơda.