VOV4.Jarai-Ră anai, djop anom bruă čơkă tuai hyu ngui, pơdơi pơdă hăng djop sang sĭ mơdrô kơ tuai hyu ngui ƀơi Dak Lak hơmâo prăp laih čơkă tuai klă hloh amăng hrơi pơdơi lơ 30/4 hăng lơ 1/5. Tui hăng Gơnong bruă Gru grua, Pơrơguăt drơi jăn hăng Tuai čuă ngui Dak Lak, truh mông anai, 225 boh anih tuai jưh, sang jưh tuai ƀơi plơi prong Ƀuôn Ma Thuôt tuai čih anăn apah dŏ abih laih. Mrô tuai čih anăn apah anih dŏ lu biă mă rai mơ̆ng ƀôn prong Hồ Chí Minh, Hà Nội hăng hơdôm tơring čar Khánh Hòa, Bà Rịa Vũng Tàu, Bình Dương, Bình Phước…

Kiăng  kơ tuai hơmâo hrơi pơdơi mơak mơai hăng rơnuk rơnua, Dak Lak pơtrun hiăp djop sang bruă sĭ mơdrô bruă tuai čuă ngui khom pơtep rơnoh sĭ mơdrô gơnam yua, mơnong ƀong huă, bơwih bơwăng kơ tuai laih anun ƀuăn rong ƀu pơđĭ trun nua anih jưh, sang jưh tuai ĕp kơmlai ča čot. Hrŏm hăng anun, djop anih anom sĭ mơdrô mơ̆ng ƀong huă ăt khom gleng nao pơhlôm, pơgang klin covid 19, puăi tlao rơhmač mơak klă hăng tuai F0 sit rai ngui pơ Dak Lak.

Nay Jek: pơblang