Đơ đam tơring čar Dak Lak hơmâo akŏ pơjing rơbêh 1.000 grup yua boh thâo phrâo amăng mơnuih mơnam ƀơi hơdôm boh plơi pla hăng rơbêh 7.200 čô ding kơna. Amăng mrô 25 hơnong pơkă amăng pơplih yua boh thâo phrâo, hơmâo 16 hơnong pơkă hơmâo pơgiong hlâo kơ hrơi pơkă. Sit biă ñu, bruă pơđĭ kyar bơwih ƀong hăng mơnuih mơnam yua boh thâo phrâo hơmâo Dak Lak pok pơhai ba glăi tŭ yua.

Truh ră anai, đơ đam tơring čar hơmâo rơbêh 1.700 gơnam sĭ amăng plang điện tử; hơmâo giăm 43.000 wŏt sĭ mơdrô amăng plang điện tử, dong tal 5 amăng đơ đam dêh čar. Hrŏm hăng hơdôm boh than yôm phăn, bruă pơplih yua boh thâo phrâo mơng Dak Lak ăt dŏ sa, dua anŏ aka ƀu klă amăng pơđĭ kyar anih anom, gơnam măi mok ƀơi kual ataih, asuek, kual tơnap tap, anih anom, gơnam măi mok pioh yua tui boh thâo phrâo ƀơi sa, dua gơnong bruă, gưl tơring glông, să glăk sô tui, ƀu ngă tui ha amăng plĕ.