VOV4.Jarai - Mơguah (15/6), giăm 2.000 čô čơđai sang hră gưl dua ƀơi Dak Lak nao pơplông mut hrăm anih 10, thun 2022-2023. Tal pơplông mut hrăm anih 10 ƀơi Dak Lak hơmâo 2 Khul wai lăng, pơphun pơplông ƀơi 3 boh sang hră anun lĕ: Sang hră gưl tlâo Nguyễn Du, Sang hră kơnuk kơna čem rông ba gưl tlâo N’Trang Lơng hăng Đam San.

56 boh sang hră gưl tlâo hăng 1 boh sang pơtô bơrơguăt drơi jăn (pơtô wŏt gưl tlâo) dŏ glăi pơphun mă mơng puang hrăm gưl dua. Kiăng kơ pơhlôm hơđong hăng djơ̆ tơlơi pơkă, gơnong bruă pơtô pơjuăt Dak Lak hơmâo jao 255 čô mơnuih apăn bruă, nai pơtô, mơnuih mă bruă ƀơio djop sang hră nao wai lăng mông pơplông. Hrŏm hăng anun, Khul pơplông ăt gum hrŏm hăng hơdôm anom bruă bơdjơ̆ nao ƀơi djop ƀon lan, jao bruă kơ ƀing tơhan pôlih wai lăng kiăng pơhlôm hơđong.

Siu Đoan: Pơblang