Truh ră anai, Dak Lak hơmâo pơhrua rơbêh 9.600 klai prăk rơnoh prăk tuh pơ alin man pơdong, akŏ pơjing 5 grup pơhrui glăi lŏn mơnai brơi 51 akŏ bruă phun hăng pok pơhai hơdră bruă pơtrut ngă tañ 20 akŏ bruă. Jơnum min mơnuih ƀon sang tơring čar Dak Lak ba tơbiă hơnong pơkă 6 blan rơnuč thun dưi mă yua abih tih prăk tuh pơ alin rơbêh 53.200 klai prăk, đĭ 70% pơhmu tui tơđar.

Amăng mông jơnum, ƀing khua mua lăi nao tơlơi tơnap tap amăng jao prăk, pơhưč tuh pơ alin, laih dong bơtŭ ư hơdai nao wai lăng boh than ba glăi, pơlir hăng tơlơi glăm ba mơng ƀing apăn akŏ. Pơđut mông jơnum, Khua git gai Ping gah tơring čar Dak Lak ơi Lương Nguyễn Minh Triết rơkâo ngă tui djơ̆ bruă jao rơwang tal III hăng IV, đing nao ngăn rơnoh brơi hơdôm akŏ bruă pơgôp pơđĭ kyar; pơpŭ hơdôm anom bruă ngă klă hăng pơsir hĭ khut khăt ƀing apăn akŏ ngă bruă dŏ kaih, ƀu gưt glăm ba.