Kơnuk kơna rơkâo jao brơi tơlơi glăm ba prong ƀiă brơi plơi prong yôm phara. Pơđok hră  mơ-it mơng Kơnuk kơna, Khua ding jum phiah phiăn Hoàng Thanh Tùng lăi pơtong, črăn tơlơi phiăn pơđĭ kyar plơi prong hơmâo čih pơkra kiăng pơjing tơhnal pơkă hơđong, pơtrut kơtang hăng dưi ngă kiăng pơtrut pơđĭ kyar. Hơnong pơkă phun lĕ pơsir hĭ tơlơi gun kơ tơhnal pơkă, anih anom, ngăn rơnoh hăng pơphun ngă tui; kơtưn kah gưl, pơpha gưl kiăng pơtrut pơđĭ kyar tañ, hơđong kjăp.

Bruă mă yua tơlơi phiăn lĕ tơlơi kiăng biă kah mơng dưi ngă tui tơlơi črâo trun, tơlơi pơtrun mơng Ping gah; tŏ tui, jing tơlơi phiăn hơdôm tơhnal pơkă, hơdră bruă phara hơmâo pơkă amăng hơdôm tơlơi pơtrun bơdjơ̆ nao mơng Ƀirô Khua pơ ala mơnuih ƀon sang dêh čar hơmâo pơƀuh tong ten lơm ngă tui sit nik. Ră anai, ƀôn prong Hồ Chí Minh hăng hơdôm boh ƀôn prong  dŏ lu tơlơi gun kơ bruă dưm dăp, anih anom, anih dŏ jum dar, pơplih pơčeh phrâo, pơtô pơjuăt, ia jrao, djru mơnuih mơnam, wai lăng hăng pơlir kual, kiăng hơmâo sa tơlơi phiăn hơđong, abih bang hăng lăp djơ̆ kiăng pơtrut pơđĭ kyar phrâo.